اهم قوانين الطبيعه

أهم قوانين الطبيعة

قانون الاصطفاف:
إذا صاف في طابور بطيء وقمت غيرته، طابورك إللي غيرته فجأة يصير يمشي أسرع من إللي أنت ألحين فيه

قانون التلفون:
عمرك ما تتصل على رقم غلط ويطلع مشغول

قانون التصليح:
بعد ما يدك تتزيت وتتوسخ من الشحم ودهن الماكينة، خشمك يبدأ يحكك

قانون المعدات:
إذا طاح من يدك أي شي، تأكد أنه بيظل يتـدحرج إلى أن يوصل لألعن مكان ما تقدر تطلعه منه

قانون الأعذار:
إذا تأخرت عن الدوام وقلت لرئيسك أن كان عندك بنشر، اليوم إللي بعده تينشر صحيح

قانون المسبح:
بعد وضع جسمك في الماء، يبدأ التلفون يرررررن وما يسكت

قانون الالكترونيات:
إذا أخذت جهاز عند مصلح تبي توريه إنه ما يشتغل، حزتها يشتغل أحلى كلام

قانون السينما:
إللي حاجزين كراسي في النص لازم يجون آخر ناس ويدوسون على رجولك

قانون القهوة:
أول ما تجيب لك كاس قهوة ساخن، يجي رئيسك ويعطيك شغلة ما تخلص إلا لما تبرد قهوتك

قانون المصادفات:
إذا كنت مع واحد أو وحدة ما تبي أحد يشوفك معاهم، فجأة كل إللي تعرفهم يطلعون من كل مكان

!!! قانون الأقساط:
إذا عندك سيارة أو طراد أو أي سلعة مطلوبه للأقساط،،، مجرد أن تنتهي الأقساط تخترب

قانون الزواج:
بعد شهرين من زواجك ... يسألونك ها في شي بالطريق ؟؟؟

!! قانون نهاية الأسبوع:
وأنت نايم يوم الخميس حد النومه تدز أمك أخوك الصغير يغثك إلين تقعد عشان تتغدى

!!! قانون المعاش:
آخر الشهر لازم كل العزايم والهديا والطلبات تزيد حبكت

قانون الطقس:
لازم بنهاية الأسبوع و أنت حدك متحمس بتطلع حداق أو تروح البر مع الربع يصير الجو هوى و غبار وحر و رطوبه بمعنى ثاني الفصول الأربعه بيوم واحد

قانون البحث:
إذا حبيت تدور شي معين (ما تلقاه).... مع أنك كنت كل يوم تشوفه مقابل وجهك ؟

صح لسانك ولا هنتي هاي الشي بيحصل كثير
مثل مابيحصل معاي في نهاية الشهر عند استلام المعاش بيحصل كل شي
لدرجت مابيصير عندي فلوس منه في نصف الشهر

واليوم اللي افكر فيه اغسل سيارتي بيصير اللي مابيتوقع في الجو يابيكون مغبر او بتنزل الامطار

واليوم اللي بفكر فيه اصلح عطل بالسياره بيطلع لي عطل ثاني

تقبلي مروري على متصفحك الكريم